GOTHOFREDUS

I.

GOTHOFREDUS

Dionysius, IC. celeberrimus, sec. praet. Parisiis natus A. C. 1549. docuit Genevae primum; praefectus dein trium ad Iurae montis radices ditionum, Gezensis, Derniensis et Gagliardensis, ac Consiliarius Curiae supremae extra ordinem ab Henrico IV. Rege constitutus, A. C. 1599. cum Sabaudicis turbis inde eiectus, ac omulibus pene fortunis, Bibliotheca sua praecipue, exutus esler, in Germaniam se recepit, ac Argentorati primum, inde Heidelbergae, rursusque Argentorati, Iuridicam Cathedram illustravit; reversus postea Heidelbergam, ibi sedem senectuti suae destinavit. Ionterea, regiis literis ad Academiam Bituricensem, in locum defuncti Cuiacii, A. C. 1603. ad primariam Iuris Professionem Andegavos, A. C. 1609. iterum ad Iuridicam Cathedram Valentiam, A. C. 1610. lautissimis conditionibus: uti a Foederatis Ordd. Franekeram, A. C. 1608. invitatus. Sed bello Palatino exorto, Heidelberga excuslus Argentoratum repetiit, defunctus A. C. 1622. Aet. 73.

Aequi medulla: Iuris almi phosphorus:

Scientiae miraculum: Historiae penus:

Thesaurus orbis: Gratiarum corculum,

Iusti Meieri IC. elogio. Studium eius de literis et posteritate merendi patuit inprimis in editione Corporis Iuris Civ. quâ nulla alia maiore unquam plausu fuit excepta, ut fere in singulos annos variis formis fuerit recudenda. In ultima etiam senecta tam tenacis memoriae fuit, ut optimorum quorum vis Auctorum loca, Leges inprimis, etiam prolixiores, tamquam ex scripto recitaret expedite. Pater Theodori Regii Historiographi et Bibliothecarii, ac Iacobi Historiar. et Iuris Prof. nec non Senatoris Reip. Genevensis. Scripsit Notas in Corpus Iur. Civ. Consuetudines Bituricenses, Turonenses et Aurelianenses; Praxin Civilem; Quaestiones Politicas; de Tutelis Elector alibus; Epitomen Historiae antiquae; De personis sui Iuris etc. Paul. Freherus Theatro Viror. erudit. claror.

II.

GOTHOFREDUS

Iacobus, fil. prioris, nepos Leonis Dom. a Guignecourt, Consiliarii Regii in Praefectura et sede Praesidiali Parisiensi, natus Genevae, in spem Orbis literati, ibidem Iuris Professor, Senator et Scholarcha, crebris Legationibus cum gloria defunctus, Obiit A. C. 1652. Aet. 65. Scripsit Comm. in Philostorgii Hist. Eccl. in Tertullian. ad Nationes; Animadvers. Iuris Civ. Descriptionem Vet. Orbis; Cenotaphium, Manuale Iuris; Orationes Politicas; de Imper io maris et iure maritimo; de velandis mulieribus; Hist. Iuris Civ. De Mutatione monetae et aequalitate in Mutuo; De famosis Latronibus; Opuscula Polit. Iurid. Hist. Critica; Fontes Iuris Civ. De interdicta Christianorum cum Gentilibus communione; De electione Magistratus; Florilegium Sententiarum Iuris etc. Freherus d. l.